CHAKARIKA SHAMBANI PETA MAISHANI

Watu wengi wanakata tamaa na hali ya unyanyapaa juu ya kilimo,Tunasikia watu wengi hasa wa mijini wakisema kilimo ni uchafu na ni kwa watu maskini na wasio na elimu hizo ni Imani potofu zinazo jengwa na watu wachache wasio jua thamani ya kilimo ,

Ebu fikiria katika hali ya kawaida ni mahitaji mangapi kwa siku unayahitaji katika kula , pia kama wakulima wangegoma kuleta bidhaa mjini je maisha ya mjini yangukuwaje ,hapo jibu kila mtu atakuwa analo

Mara nyingi tumeona hata katika mashindno mbali mbali majaji huwakatisha tamaa washiriki kwa kuwaambiaa warudi shamba kana kwamba shamba ni jambo la ajabu sana na ni la aibu

Katika uhalisia hakuna kitu cha kijanja kama wewe mkulima utajitengenezea kipato chako tena cha uharari kwa kulima tu ni dhana za watu wachache tu zinazo potosha kilimo katika taifa hili”

Kilimo kina thamani na kinaweza kuwa sekta yenye faida kubwa kwa sababu watu wengi wanahitaji kula , viwanda vingi vinategemea bidhaa toka kwa wakulima ko utaona uchumi wa nchi unajikita Zaidi katika kilimo sasa kama kilimo kina manufaa yote hayo kwanini tukipe kisogo

Kila sekta inalipa kama utajitoa na kufanya kazi kwa bidi na ndivo hata katika kilimo,Kwa hiyo kijana usiogope jembe kilimo ni fedha na kinaweza kuwa mkombozi wa maisha yako cha msingi kifanye kuwa ndiyo ajira yako

CHANGAMOTO MBALI MBALI KATIKA KILIMO

Wakulima wengi wanakosa maarifa ya kukipelekea kilimo katika hatua nyingine ;wanaridhika mara tu wanapopata fedha kidogo baada ya mavuno

SULUHISHO

Jinunulie mbolea yako na si usubiri tu ruzuku za pembejeo

Uliza katika makundi ya wakulima wengine au bwana/bibi shamba juu ya mazingira yako,

Fahamu muda mzuri wa kupanda mazao yako ili kuepuka wadudu waaribifu na jinsi ya kujitengenezea mboji Mazao yanakuwa imara Zaidi na kuhimili mashambulizi ya wadudu kama utapanda kabla ya kipindi cha unyevu nyevu”

Katika kundi lako la wakulima wanachama wanaweza kufata pembejeo wilayani au mikoani kwa mawakala wa kilimo ,Matunda yanaweza kuonekana mapema

Uhifadhi wa chakula ni njia nzuri ya kuongeza thamani ya mazao yako,hasa kama unasubiri hadi bei iongezeke sokoni na hapo utapata bei nzuri

Watu katika vyama vya wakulima huweza kupata sehemu ya kuhifadhi mazao au mnaweza kupunguza gharama za kusafirisha mazao kwajili ya kupeleka ghalani

Pia mbinu Zaidi za kijadi katika kuhifadhi mazao kama vile vihenge hutumika kuokoa jahazi

UHABA WA MASOKO

Kutafuta soko la bidhaa zako linaweza kuwa changamoto kubwa sana kwako,yaweza kuwa umbali kutoka shambani kwako hadi sokoni au wakati mwingine kutopata kile unacho hitaji

Unaweza kupanga kabla; jadiliana kuhusu bei na fanya makubaiano ya bei na mteja wako au dalali kabla ya kuufikisha mzigo

Kuwa na mkakati mbadala;kama mnunuzi hakubaliani na bei yako peleka biashara yako sehemu nyingine au tafuta njia nyingine ya kuuza bidhaa zako

Ni vyema  kuanzisha  chama ili muweze kujadiliana na kupata bei nzuri ya pamoja